Escrito por 
Se non podes acudir á Ramallosa, tes outra oportunidade para desfrutar dunha das obras máis entretidas da tempada. A compañía Martabelas representará _Segredos de familia (e licor café)_ en Laraño.
📅 Domingo 9 de marzo
📍 Centro sociocultural (Escola) de Laraño
🕕 Ás 18:00 h
🎟 Entrada: 3EUR
SOBRE A OBRA
_Segredos de familia (e licor café)_ é unha comedia negra que explora os segredos ocultos dunha familia galega cun humor afiado e escenas de suspense. Lucía, unha actriz de éxito, regresa á casa familiar, onde a agardan as súa peculiares tías Adelaida e Úrsula, que parecen ser exemplo de bondade pero agochan un pasado sombrío. Ao mesmo tempo, a súa irmá Silvana volve cunha vida chea de misterios e intencións incertas.
A obra presenta mulleres fortes e decididas que loitan por controlar o seu destino, rompendo con convencións sociais mentres revelan as súa propias contradicións. A través de enredos, mentiras e doses de licor café, _Segredos de familia_ ofrece unha visión divertida e crítica das relacións familiares e a procura da liberdade persoal, sempre cun ollo posto na igualdade e o respecto mutuo.
Entre o humor negro e a reflexión, a obra invita a pensar sobre como nos definimos e como somos definidos polos demais.
Non perdas esta ocasión única de desfrutar do talento da nosa compañía de teatro!