Asociación para a participación das mulleres

“Non quero…” 2º Premio María Mariño 2015

 

POemas e xurado

Por María Teresa Iglesias Yugat  (1)

2º Premio Certamen Marí Mariño 2015

Non quero….

 

Non quero sentir o peso pesado do fardo da culpa

Sobre o meu lombo aínda ergueito

As pálpebras lisas delineadas de eye-liner

Coa careta antienrugas dos días que non choro

Por non sair airosa do impasse Saesepodes

No que estou

Empantanada na lama

Existencial do erro

E berro

Na cámara insonorizada

Recuberta de cortizas espesas

Tendentes a impedir que saian polas fendas

Vapores liofilizados imposibles

Testemuñas hibernadas en prisión

Sen (con ) fianza

Non quero cansarme máis de finxir actriz frustrada

Consumada

Exhausta

Consumida

De poñer cada mañá o disfrace sexi

Fashionista camuflando desengaños

Julia Roberts filmando mentiras a cotío

Espertando envexas trabucadas

Frustracións na dieta cardiosaudable

Publicidade, non, grazas

Non se admite

Mais non

Escoito consellos que non sigo

Autoaxudas en libros que non leo

Best Seller  nas cabeceiras do Corte Inglés

Violencias alleas interiors como propias

Números ordinais feitos de carne

En fractais desintegradas

Nomes-siglas na sección de sucesos

Raio que non cesa

 

Non quero ver inimigos nos colegas nin amigos aldraxantes

Non quero emparanoiarme con ninguén

Comprando sociedades avanzadas

No terror

Tribos exóticas primitivas nas antípodas                                                                                                                                                         Cono Sur

Confrontar estatísticas

Datos incontables no cómputo artificial

Frío nónimo fluctuante

Subebaixas

Baixas

Sumisión

Dominación

Ying e Yang, Ti e máis eu. Ti tamén. Eu non.

Encontros entrecanados de lueiros plenilunio

Con data de caducidadede de Nós

 

Outra volta individuais

Máis sós

Piercing furando

Todo é para sempre: Surealismo demodé

Nada

Sen ti non podo                                  QUE?

Contigo tampouco                              E?

Falacias – Piercing furando

Gurrando

Desprazando realidades

Outras

 

Superstición atávicas enganchadas na banda sonora (presaxios)

Do filme subtitulado de estereotipos-clichés-trampas

Determinates-Posesivos

Masculinos- Femininos

Verbalmente colocados

Sintácticamente errados

En versión orixina´l

Logaritmos defectivos deformados en solución falaces

Oscares de fumes

Nobeis de guerra

Chomsky de pacotilla

Non (te) quero

(1)

  1. O poema e propiedade da Asociación Teenses Pola Igualdade destiñado a ser editado nunha recopilación de poemas gañadores

 

 

 

 

 

 

No Comments Yet

Leave a Reply

Your email address will not be published. Required fields are marked *

*