Asociación para a participación das mulleres

A viaxe de Carla

 

Carla Antonelli, a esquerda, con representantes de Teenses pola Igualdade.

Carla Antonelli, a esquerda, con representantes de Teenses pola Igualdade.

Onte, 9 de decembro, a Asociación Teenses pola Igualdade asistiu á proxección do documental “El viaje de Carla” en Vilagarcía de Arousa, un acto organizado pola Asociación o Soño de Lilith. O documental narra a vida de Carla Antonelli, unha vida épica, digna de ser narrada, cargada de moitos obstáculos e dificultades pero tamén de moitos éxitos e importantes triunfos que chegaron grazas a súa valentía, espírito de superación e de resilencia. Admirada e recoñecida activista dos dereitos LGBT, política, actriz e unha das artífices do matrimonio igualitario e da Lei de Identidade de Xénero. Dende o 2011 é deputada na Asemblea de Madrid polo Partido Socialista Obreiro Español, primeira e única muller transexual en acceder a este cargo neste país. É Portavoz Adxunta da Comisión de Cultura e Turismo e responsable de familias, menores e temas LGTBI na Comisión de Políticas Sociais e Familia, Secretaria da Mesa da Comisión de Xuxentude e vocal da Executiva Rexional do PSOE-M.

Non podíamos perder a oportunidade de coñecer persoalmente a unha figura desta importancia. Unha muller que protagonizou, e segue a facelo, un dos capítulos máis importantes de historia recente do noso país. Despois do filme abriuse un debate que Carla Antonelli mantivo vivo en todo momento. O Salón Vilagarcía estaba cheo e entre o público xurdían ininterrompidamente unha pregunta tras outra. A xente resistíase a marchar, e o silencio e a atención, mentres Carla falaba, era absoluto.

Para nós foi un privilexio escoitar a Carla Antonelli, gozar da súa conversa, sentirnos contaxiadas do seu compromiso social e comprobar, unha vez máis, que canto máis grande é unha persoa, máis próxima, sinxela e humilde se presenta.

O discurso de Carla, unido á súa humanidade e magnetismo persoal, fixo deste acto algo memorable, que nós non esqueceremos en moito tempo. Grazas ao Soño de Lilith por ter organizado este acto.

 

Non se atoparon comentarios.

Deja un comentario

Tu dirección de correo electrónico no será publicada. Los campos obligatorios están marcados con *

*