O vindeiro 17 de xaneiro en Teenses pola Igualdade dará comezo o Curso Intensivo de Técnicas de Relaxación. Esta formación constará de catro sesións e será impartida por Eva María Rodríguez Vicente, psicóloga xurídico-forense.
Conseguir equilibrar o sistema nervioso, aliviar as tensións corporais, emocionais e mentais, e aprender e practicar técnicas de relaxación facilmente incorporables á vida diaria para dominar a tensión e a ansiedade son algúns dos obxectivos deste curso.
A información práctica é a seguinte:
Sesións: 17, 24, 31 de xaneiro e 7 de febreiro
Horario: de 20 a 22 h
Lugar: sede de Teenses pola Igualdade (Luou-Teo)
Prezo das catro sesións: 25€ (para persoas asociadas a Teenses pola Igualdade; superior de non ser este o caso)
Teléfonos para inscrición: 981800114 / 676052321 / 653103194