O pasado venres día 7 de xullo , celebramos como cada ano a Festa de Fin de Tempada da nosa Asociación. Nesta ocasión fixémolo cunha cea de confraternidade entre o alumnado de todos os nosos talleres de formación, profesores, Xunta Directiva, socias/os e simpatizantes de Teenses Pola Igualdade.
A cea serviunos nesta ocasión como desculpa para permitirnos estreitar relacións sociais, establecer lazos humanos e afectivos, e intercambiar coñecementos e recordos entre quenes nos reunimos ao redor dunhamesa.
Nesta ocasión quedouse pequeno o espazo habilitado polos propietarios do Restaurante As Brasas de Milladoiro onde se celebrou a cea, o que obrigou a colocar unha segunda mesa para acoller as máis das 60 persoas reunidas nesta ocasión.
Moi de agradecer a presenza da Dra. Charo Vázquez apreciable colaboradora no Ciclo de Conferencias de Muller e Saúde que non quixo perderse a ocasión de confraternizar coas e os Teenses facendo ademais de fotógrafa parainmortalizar o acontecemento.
Non faltaron as palabras de agradecemento da Presidenta cara ao labor do profesorado, así como cara á dedicación constante e proveitosa do alumnado que asiste aos diferentes talleres de aprendizaxe.
Como unha mostra de agradecemento por
parte da Xunta Directiva fíxose entrega aos diferentes educadores dunha escultura en cerámica de Buño realizada expresamente para a nosa Asociación ao tempo que se lles agradeceu a labor levada a cabo durante todo un ano.
O tempo xogou ao noso favor proporcionándonos unha noite cálida que convidou a moita da xente reunida a prolongar a xornada interpretando os cantos que forman parte do repertorio tradicional para esta clase de eventos