Tras a Asemblea Extraordinaria de Socias e Socios, celebrada onte ás 20,30h na Mediateca do Grilo (Cacheiras), a nosa Asociación conta cunha nova xunta directiva aprobada por unanimidade.
Balbi González Morcillo, ata agora vicepresidenta de Teenses pola Igualdade, substituirá no cargo a Rosa Gómez Limia. Mercedes González Rodríguez (Claudia Castro), será a nova vicepresidenta. Rosa Martínez Boquete continuará no cargo de secretaria e Meca Pernas Rodríguez no posto de tesoureira. Tamén formarán parte da nova xunta directiva Zora Leis Barcia, Fina Angueira, Lola Blázquez, Elena Moreira, María Ferraces Otero, Pepa Freire-Garabal Núñez, Alejandro Martín Olmedo, Cruz Gómez Villar, José Manuel Elías Noya, Roberto Moñino, Mercedes Mosteiro e Mercedes García Novio.
A nova presidenta de Teenses pola Igualdade rematou a asemblea cunhas verbas de recoñecemento ao importante labor realizado durante vinte anos pola anterior presidenta e cofundadora de Teenses pola Igualdade, Rosa Gómez Limia. Tamén anunciou o inicio dunha nova andaina cunha xunta directiva ilusionada coa posta en marcha de novos proxectos a prol da igualdade para colectivos de todas as idades.
