Teenses pola Igualdade recupera este 2022 a celebración da Festa das Mulleres e das Asociacións de Teo. O vindeiro sábado 12 de marzo a partires das 18h terá lugar no Auditorio Municipal d’A Ramallosa unha homenaxe ao grupo de mulleres voluntarias que de maneira desinteresada confeccionaron máscaras ao comezo da pandemia. No encontro desfrutaremos así mesmo da peza «Reviracontos», a cargo da Aula de Teatro do IES de Cacheiras, e da música do alumnado de Entre Caixas, Escola de Artes da Sociedade de Agricultores e Gandeiros de Calo.
