Hai mulleres que escacharon en mil anacos, que en moitos momentos quixeron deixar de existir, que se pensaron culpables cando eran vítimas. Hai mulleres que teñen a afouteza de compartir a súa experiencia de maltrato para amosar que se pode saír de situacións terribles. O pasado 23 de novembro en Teenses pola Igualdade tivemos a oportunidade de ver o documental «Contra a luz», dirixido por Teo Manuel Abad, e escoitar o testemuño das súas valentes protagonistas.
