Escrito por 
Non é necesario buscar referentes ou os actualmente chamados *influencers* en persoas das que descoñecemos as súas circunstancias reais ou só unha pequena parte. Non debemos deixarnos levar polo márketing, polo bombardeo de información constante, senón ollar un pouco ao noso arredor con perspectiva e dunha maneira crítica e reflexiva: ás nosas familias, amizades, veciñanza, ao entorno. A esas persoas que nos mostran a súa realidade e experiencias de primeira man.
Hoxe temos o pracer de render homenaxe a un exemplo de “bo facer” neste sentido: a xornalista Ana Conde Miranda, socia moi comprometida con *Teenses pola Igualdade* dende os seus inicios. Durante dez anos, mostrounos moitas historias de vida dos nosos veciños e veciñas que, dunha maneira ou doutra, nos axudaron a ver e valorar diferentes realidades e experiencias, así como a poñer en valor a importancia e a influencia da información e da comunicación.
Vamos… que fixo parroquia!
O seu traballo e esforzo sumaron, consciente ou inconscientemente, ao presentar diferentes realidades da nosa contorna moi significativas, das cales podemos atopar unha gran variedade de referentes, tanto para os máis grandes como para os máis pequenos. A primeira historia e a máis evidente, por suposto, é a súa propia. O seu papel como muller emprendedora, que loitou polo seu soño e polas súas metas, gañándose o cariño e o respecto de toda a veciñanza, é un claro exemplo de como, cos seus pequenos logros, puido chegar á vida de moitas persoas.
Como mostra de recoñecemento polo teu gran traballo, facémosche entrega dun pequeno agasallo: unha edición especial do *Teovivo*, feita na redacción de *Teenses pola Igualdade*. Esperamos que, unha vez que o leas, nos deixes unha boa crítica.
Presidenta de Teenses pola Igualdade