📢 Invitación á XIV Festa das Mulleres e Asociacións de Teo 💜🎉

Queridas socias e socios,

Desde Teenses pola Igualdade, queremos convidarvos a participar na XIV Festa das Mulleres e Asociacións de Teo, a nosa celebración anual con motivo do Día Internacional da Muller (8M). Será unha tarde especial de encontro, recoñecemento e festexos, na que nos gustaría contar convosco.

📅 Día: Sábado 15 de marzo

📍 Lugar: Casa común de Rarís

🕔 Hora: A partir das 17:00h

Nesta edición, queremos render unha merecida homenaxe a Ana Conde Miranda, quen, a través da publicación do querido Teovivo, nos achegou durante anos as noticias, a cultura, o deporte e a xente de Teo, contribuíndo de maneira fundamental á vida social e cultural do noso concello.

🎭🎶 Ademais, gozaremos dunha actuación especial de Conde Varo e das representacións dos grupos das asociacións participantes, que encherán a tarde de arte e diversión.

⚽ Non nos esquecemos do deporte feminino! Faremos unha dedicatoria especial ás mozas futbolistas dos equipos do Calo e do Praíña, celebrando o seu esforzo e os éxitos acadados.

Para rematar, compartiremos unha rica merenda e un espazo de encontro entre todas as persoas asistentes.

💜 A vosa presenza é moi importante para nós! Animádevos a vir e a compartir connosco este día de festa e reivindicación.

Agardámosvos con ilusión!

Unha aperta,

Zora Leis Barcia

Presidenta de Teenses pola Igualdade