Asociación para a participación das mulleres

Marilar Aleixandre imparte unha charla sobre o feminismo de Emilia Pardo Bazán

Con motivo da celebración da semana do 8 de marzo, a Asociación Teenses pola Igualdade organizou unha charla-coloquio dixital coa escritora e académica Marilar Aleixandre baixo o título «Emilia Pardo Bazán, todos os dereitos para as mulleres». O vindeiro mes de maio cumpriranse cen anos do pasamento desta autora que, como nos trasladaba Aleixandre, en 1914 definíase coma «radical feminista» e afirmaba: «creo que todos os dereitos que ten o home debe telos a muller».
Durante a conferencia Marilar Aleixandre falou así mesmo de como Pardo Bazán dedicaba moitos esforzos á educación, xa que no seu tempo as mulleres non tiñan acceso a ela. A propia autora foi autodidacta, «mestra de si mesma» segundo as súas propias verbas.
Outra das reclamacións de Pardo Bazán era o dereito ao voto para as mulleres, fundamentado na idea de que debían ter un destino propio.

No se han encontrado comentarios

Deja un comentario

Tu dirección de correo electrónico no será publicada. Los campos obligatorios están marcados con *

*